मंत्रालयामधील वरिष्ठ पदांवर कार्यरत असणाऱ्या माळी समाजातील अधिकाऱ्यांची परस्पर ओळख झाल्यामुळे परस्परांमधील विश्वासाचे नाते अधिक दृढ होत आहे. महाराष्ट्रातील विविध भागांतील जाती बांधवांमध्ये आपुलकी वृद्धिंगत झाल्याने अस्मितेची अनुभूती जाणवू लागली आहे. सामाजिक उत्तरदायित्व या जाणिवेतून संकल्प मित्र फाउंडेशन ची कल्पना डॉ . राजू जाधव यांनी मांडली. या विधायक विचारातून संकल्प मित्र फाउंडेशन या क्लबची स्थापना झाली . यासाठी डॉ. राजू जाधव यांनी आपल्या सहकार्यासोबत सातत्याने संपर्क प्रस्थापित करून संकल्प मित्र फाउंडेशन ला दिशा व गती प्राप्त करून दिली. गेली ४-५ वर्षे या संकल्प मित्र फाउंडेशन च्या माध्यमातून अनेक उच्च पदस्थ अधिकाऱ्यांना जोडण्याचे काम केले आहे.

वास्तविक हि एक सुरुवात आहे. आपल्या आपणां सर्वांच्या परस्पर सहकार्यातून माणुसकीचे नाते दृढ होईल व माळी समाज्याच्या सर्वांगीण विकासासाठी संकल्प मित्र फाऊंडेशन हा दीपस्तंभासारखे कार्य करेल असा आम्हाला विश्वास आहे.